“Dünya Əhalisinin Vəziyyəti 2020” Qlobal Hesabatı

Səhifələrin sayı: 164

Nəşr tarixi: İyun 2020

Müəllif: UNFPA

Hər il dünyada milyonlarla qız ailələrinin, dostlarının və yaşadıqları icmaların razılığı ilə onlara fiziki və mənəvi zərər yetirən müxtəlif zərərli təcrübələrə məruz qalır. Bu haqda Birləşmiş Millətlər Təşkilatının Əhali Fondunun (BMTƏF) bu gün dərc olunmuş “Dünya Əhalisinin Vəziyyəti 2020” qlobal hesabatında bildirilir.

Sinənin damğalanmasından bakirəliyin yoxlanılmasınadək azı 19 zərərli təcrübə insan hüquqlarının pozulması hesab edilir. BMTƏF-nun builki qlobal hesabatı bu zərərli təcrübələrdən üç ən geniş yayılmışı üzərində fokuslanır: qadın sünnəti, erkən nikahlar və oğlan uşaqlarına qız uşaqlarından daha artıq dəyər verilməsi.

Bizim bu cür zərərli təcrübələri yayan qüvvələrə qarşı çıxmaq və hər bir qızın öz müqəddəratını təyin etmək imkanının olduğu bir dünyaya nail olmaq üçün gücümüz var. Mövzu barədə daha ətraflı məlumat üçün lütfən “Dünya Əhalisinin Vəziyyəti 2020” qlobal hesabatına keçid alın.